El lenguaje Chavacano PDF Print E-mail
Monday, 23 June 2014 16:44

By  GRACE C. ESPIRITUSANTO

 

“El lengua nuay hueso,” ya abla mi abuelo

Poreso no tu man cuento si quiere lang man usioso.

Por el que tiene sus echos, tiene  sus suspechos.

Ultima hora, peleya lang el encontra.

 

Palabradas Chavacano que bonito na oido

Y si tu el conversa, estrangero ay man viendo.

Por eso dale valor con de aton maga  anciano

Por que sila el rason de este maga  cuento.

 

Agradece quita y dale mano con aquellos Zamboangueños

Que con amor y pacencia ta  preserva el Chavacano .

“Olor man de siete viernes,” o “alaba’y alaba su convento,”

No mas tu man aburrido, dale lang beso na carillo.