TICKLE ME PINK: Viva el lenguaje Chabacano PDF Print E-mail
Tuesday, 24 June 2014 12:31

BY BETTY ELAGO

 

Verdadero aquel ta explica mi hijo, si VP que un dia, el desparece el lenguaje chabacano na de aton mismo Ciudad Latino de Flores! Mucho de otro lugar aqui na Pilipinas ya quiere queda na de aton hermosa Ciudad, pero maskin de cuantos años ya sila aqui canaton, nunca aprende conversa de aton dialecto. Bueno.ba se? Tiene quotacion na Ingles.....if you are in Rome, do as the Romans do! Entonces,  si taqui vosotros na  Ciudad de amon, combiene conversa de amon lenguaje! Orgullo se de amon el lenguaje Chabacano!

El lenguaje Chabacano es unico lenguaje que bonito oi, que tiene mescla de grande porciento del lenguaje  Espanol y maga palabras local y de entero sitio de Pilipinas, poreso ta habla sila na Ingles...It’s a unique language.

Yo soy un Zamboangueña y  con orgullo yo ta conversa el mi natibo lenguaje chabacano. Viva Zamboanga y Viva el lenguaje CHABACANO!!! Por amor de este creation ta hace el mes de junio, dia 23 como dia del Chabacano lenguaje, ta extende yo muchos gracias con mi hijo VP por su resolution y contodos consejales que ya aproba este como un lei.

Yo te amo  contodos empleyados del DAILY ZAMBOANGA TIMES, ZAMBOANGA TODAY,  Y EL DUEÑO DEL ESTABLESIMIENTO..EL FAMILLA DE SEÑOR ALFRED LIM Y DE SU FAMILIA! BUENAS DIAS CONTODOS!