El lugar que ta llama Zamboanga PDF Print E-mail
Tuesday, 26 October 2010 14:02

El 20 de Abril de 1596, el capitan Esteban Rodriguez (de Figueroa, por orden del Gobernador-General Francisco Sande, ya conduci' un expedicion para Tamparan, Lanao para controla' con el tres rey de Mindanao: si Malaria, si Silongan, y si Buhisan. Este
si Buhisan era el tata di Sultan Kudarat.

Este axpedicion di Esteban Rodriguez Figueroa que ya volve' desde Tamparan era de camino ya para La Caldera (ahora Recodo), pasando por el rio Cagang-Cagang (ahora Rio Hondo), cuando estos maga Español ya descubri' un lugar que ta llama' ahora Zamboanga. Ansina cosa ya pasa: AI entrar na rio de Cagang-Cagang, maga
Español ya mira algunos Lutao na baroto. Un Español ya pregunta' el nombre del lugar. El Lutao no sabe Español, ya pensa' que el Español quiere sabe si cosa ele ta agarra. "Sambuan" ya contesta' el Lutao. Quiere decir el que ta usa para hace saguan o manda'
corre con el baroto. Desde este palabra ya forma' el nombre Sambuangan. Pero maga Eapañol ya compone el palabra y ya hace' Zamboanga para mas facil pronuncia. Aqui tambien ya sale' el palabra na Chabacano saguan el que ta usa' para manda' navega'
con el vinta.

Zamteoanga ya queda' el nombre oficial cuando ya nombra' con el primer gobernador del lugar, si Bartolome Diaz de Barrera el 23 de Junio de 1635. Desde este punto ya forma' el pueblecito de Lutao y Subano con este nombre. Este pueblecito ya ancha' y finalmente, ya crea' con el presente ciudad que ta lleva' el mismo nombre Zamboanga.

Por 300 años el nombre Zamboanga ya inclui' con el entero Zamboanga del Norte, Zamboanga del Sur y hasta el isla de Basilan como parte integral de la ciudad de Zamboanga por razon political y militar. Aunque estos tres divisiones ya queda' separao pero Zamboanga del Norte y Zamboanga del Sur ya permanece' como parte
del Zamboanga Peninsula.

Desde 1635, por 265 años bajo el gobierno Español, Zamboanga era el capital political y militar de Mindanao. Este periodo ya continua' hasta Mayo 18, 1899, cuando el maga Español ya entrega' el administracion con el gobierno revolucionario bajo con el Gen.
Vicente S. Alvarez hasta Noviembre 16, 1899, cuando maga Americano ya toma' posesion del ciudad.

Last Updated on Tuesday, 26 October 2010 14:25