Federalismo, gende BBL PDF Print E-mail
Friday, 04 March 2016 14:15

EL COMENTARIO

BY Dan Toribio jr.

 

Mas ta aserca el mes de election es Mayo, dol mas manada ya tambien incidente de tiroteo el ta sosede na ciudad.

Donde el implementacion de lque se llama “Comelec gunban”?

Quilaya tambien se puede implementa enbuenamente si cadavez cuji vilador ta manda lang man tamen man release si SIR?

Nohay ni nada papeles el calibre 45 pistola del un alegao ASSET del military ya cuji el mana pulis na calsada de La Purisima pero ya larga lang man dayun seguiendo el ORDER di SIR.

“Atius, Santisima, perdona me alma.”

Pero si con un security guard, barangay tanod o CAFGU quel siguro ya cuji, claro el Basilan derecho na City Jail.

* * * *

No menos cuantos durmida ya lang ante de llega el dia donde el mana Pilipino el decidi ya tambien con quien cambia conel presidente del paiz.

Na pulitica normal ya se mana que se llama “political demolition” y “black propaganda” y mas pa otros.

Por cuantos decada y seguro siglos ya el ya pasa ta continua el gritos del mana Mindanaoans quien ta llura porcausa lejos el progreso na Mindanao cai el mana ta sinta na Malacañang gende salido de Mindanao.

El tiempo ya llega ya donde un verdadero Mindanaoan ta deseia guinda na Malacañang y ese nohay otro si gende el alcalde del ciudad de Davao si Rodrigo Duterte.

Pero como siempre talli el “political demolition” y el “black propaganda” donde tiene quien ta hace istoria si Duterte dao el endelga con el Mindanao en particular el Zamboanga City na BBL o otropormas de otonomia.

* * * *

Tiene cuantos rumor el ta sigui na viento y ta entra na mana orejas del cuantos ciudadanos que asegun el entrega dao si Mayor Duterte con el ciudad na mano del BBL el momento el sinta le na palacio.

Na lao di Mayor Duterte ta habla que nunca se el sosede ciendo gende ese el plano disuyu para con el paiz.

Federalismo, amo el numero uno plano di Duterte que separa con ele amo el solamente manera debe practica el paiz para mobe pa adelante y lleva progreso para con el mana Pilipino.

Duterte advocates federalism also to address the Mindanao question where the various Muslim tribes seek greater self-rule.

El palabra en ingles pa, “He  believes we need to correct the historical wrongs done on our Muslims and other indigenous peoples by our colonial masters and dominantly Christians central governments, “ este asegun con el porta voz di Duterte.

Bajo de set-up del federalismo, ay crea cuantos que se llama federal states para replasa con el presente ARMM.

Unu aqui amo el estado para del mana Muslim tribes na mismo isla del Mindanao que el composita el Maguindanaon, Maranaw y Iranon.

El otro federal state amo para con el mana Muslim tribes na Sulu seas como el Tausug na Jolo, Yakan y Badjao y otro mana tribo na Basilan, Sulu y Tawi-Tawi.

Otro mana regiones na paiz el tene tambien diila cada-y-cual estados para el diila estados inclugido el Zamboanga Peninsula, Cordillera Regions y el National Capital Region.

Mientras tanto si Duterte ya clarifica que el ciudad de Zamboanga gende ay queda parte del plano y propositao federal states bajo na Basilan, Sulu y Tawi-Tawi.

Si Duterte conosidoco mo ta pratica un advocacia para respeta con el mana lei y el egual trato y harmonia.

“We should promote greater tolerance and respect for different cultures, different religions, different political beliefs if we are to succeed in our nation-building. Federalism is key to this vision with power-sharing, resources-sharing, respect-for-all and development-for-all as our guiding principles.”Este el cosa ya habla si Duterte en ingles.

* *  * *

Hasta na otro articulo mana compoblanos y ciudadanos..