ZC y Mindanao centro del programa del 1-Pacman partylist PDF Print E-mail
Thursday, 10 March 2016 13:50

EL COMENTARIO

DI DAN TORIBIO JR.

El ciudad de Zamboanga ta experiencia lang siempre conel problema de blackout. Nohay pijo hora del blackout cada dia y noche.

Nohay cosa puede hace el publico sino sufri, y continua pa sufri hasta cuando este blackout el alarga. Nohay claro explanacion si porque este ta sosede.

El agua na gripo entendido se quita si porque tienebez abre el gripo nohay agua el ta sale porcausa conel soles, pero el coriente nusabe quita cosa ba gayot el verdad istorya.

* * * *

Ya queda ahora cuento-cuento del cada uno porcausa el asunto del bistida de sapatos de mujer el mana hombre particular el mana pulis durante el parade tiene que hace el celebracion del International women month del dia pasao.

Deberasan maca irbi el sangre mira conel mana pulis ta bisti alto tacon sapatos de mojer usando el athletic uniform de PNP.

Cosa man dao se? para cosa man se? de broma-broma ya lang ba ara el diaton PNP?

Ansina ba quita quierre hace apas conel mana criminal el pulis mientras usando alto tacon?

Que barbaridad!

Nohay mas ba quita cosa bueno hace na vida?

Ta pensa ustedes ay respeta el mana mal gente hasta civilian conel pulis mientras mirando canila ta bisti alto tacon ta man parada na calsada?

Pensa dao ustedes enbuenamante.

El mana pulis ba quien ya bisti alto tacon conforme ba gaja sila se? gende bay a usa se sila clase bistida de mujer para compli lang el cosa ta manda canila el diila alto opiscial? “Obey first before complain.”

* * * *

El first nominee del 1-Pacman partylist si Dr. Mikee Romero ya habla que el ciudad de Zamboanga y el entero Mindanao amo el queda numero uno prioridad del advocacia del deportes, educacion trabajo.

Este es un buen programa del 1-Pacman partylist porcausa cadavez-en-cuando el diaton ciudad y Mindanao pirmi ta queda atras y bien dejao na otro ciudad y mana provincial na mana proyecto y programa del gobierno donde este el cosa quita todo amo el ta mira.

Si Dr. Romero confianza y ta cre monton mana buen atleta y mana jovenes tiene talento quien decidido continua el diila estudio usando diila abilidad na diferentes juego of deportes.

El 1-Pacman partylist es el primer partylist quien ta dale mira empotancia conel ciudad de Zamboanga y conel entero Mindanao.

Si Dr. Romero tiene buen personal background y credencial como un servidor del publico donde gende imposible para puede compli el mana promesas.

* * * *

Si Dr. Romero holder del dos doctorate degrees na field del economics y management. Ya puede le ayuda encuntra solucion na aspeto de economia. Ya nombra con dr. Romero como el “Economic Wizard” por el su innovacion na economia y yah ace como el punto para na que se llama “economic planners.”

El conosido Forbes magazine ya nombra con Dr. Romero como el joven de contodo negociante que incluwi na Top 50 richest businessman na paiz.

* * * *

Na aspeto de educacion, Si Dr. Romero ya promote que mas hancha pa le el programa del scholarship para monton pa del mana jovenes el puede estudia especialmente aqui ciudad y na entero Mindanao.

* * * * *

Tiene tambien proyecto de housing unitspara conel mana Subanen Indigenous People na Zamboanga del Sur y ya organiza tambien livelihood training center para del Aetas in zambales na Central Luzon, tibo de IP.

* * * * *

Hasta na otro articulo na compoblanos y ciudadanos.

Mientrastanto, pan vino-vino cada-y-cual su camino,