Promesas con palabra de honor PDF Print E-mail
Tuesday, 22 March 2016 11:36

EL COMENTARIO

DI dan toribio jr.

Este tiempo de semana santa resa quita y pidi milagro con el Dios todo poderoso para dale ya canaton el tiempo de aguasero alomenos ay menorah ya el sufrimiento del su mana anak na asunto de secas.

Nohay agua y nohay bastante coriente el cosa quita ta enfrenta y hojala gende mas este ay alarga pa mas.

Resa tambien quita para manda cambia el pensamiento del losdemas sapando de los buenos PULANO y PULANA quien ta agahra position para emenda ya y descansa ya rubada que amo se ta causa el sufrimiento del mana pobre.

* * * *

Aquelios quien ay anda na catorse estacion na Abong-Abong, pabor nomas hace “dating place” el sagrado lugar.

* * * *

Gende mas quita inocente con cosa ta pasa na mundo de pulitica aqu ina Pilipinas, donde normal ya se para con cuantos mana politico para larga monton de mana promesas con el mana gente durante el campaña.

Pero llegar na hora sintao ya sila na puesto do lomismo tiene ya amnesia ulbidao yat odo diila mana PAJUG o imbusterias.

El 1-Pacman partylist nal iderato del first nominee si Dr. Mikee Romero ta asegura conel mana Pilipino que gende sila egual con el losdemas aquel ta llama quita como mana “MALA-QUIT” o mentiroso/mentirosa.

El 1-Pacman partylist el compli todo diila mana promesas porque gende man sila taman apas con el cosa sila ay ganancia, sino el cosa sila puede lleva alivio con el mana pobre vivientes del Paiz especialmente el mana jovenes.

* * * *

Acorda, si Dr. Romero gende politico y este su primera vez para desea servi con el mana pinoy despues ele un bien concierne con el estatura del mana pobre.

Sabe ya man quita cosa-cos amana flataporma de govierno del 1-Pacman partylist donde el DEPORTES 0 JUEGO, TRABAJO, EDUCACION o monton pa otro que puede dale claridad na escuridad que ta enfrenta el mana pobre pinoy na paiz.

* * * *

Seguiendo con el palabra del diaton heroe Dr. Jose Rizal, que es “mana jovenes esperanza del paiz,” bien concierne el 1-Pacman Party List conel youth sector que donde el programa de DEPORTES o JUEGO amo el para diila.

Tiene ta pregunta porque ba dao emportante dale emportancia el 1-Pacman party list con el mana joven?

El contestacion bien simple, cosa ba ahora el numero uno problema del paiz? Gende ba droga?

Y sabe ba ustedes llijero queda enbuelto na droga aquelios mana nohay tanto cosa ta hace na cada dia especialmente el mana jovenes.

El talpersona  quien ta usa ya droga, ele ta contribuji ya problema na comunidad.

Porque?Tormento ya se desaleja unavez talliya el tal persona pilit na droga.

Poreso el 1-Pacman partylist ta dale el prioridad con el mana jovenes donde manda canila gasta el tiempo na deportes o juego el hora despues del diila estudio.

Ta mira el 1-Pacman si todo ljovenes el entra na deportes o juego despues el hora diila na escuela, ay queda mas progresivo el diaton manae speranza del paiz nohay mas quien tene pa tiempo para man TILAM con el droga na cadageneracion.

Ta cre tambien el 1-Pacman partylist por medio del deportes o juego el puede tambien estudia el mana pobre jovenes donde ay puede sila queda parte del scholarship program del tal escuela y del party list.

* * * *

Mana compoblanos y ciudadanos no ulbida el diaton obligacion con el diaton creador este tiempo de semana santa y masquin otro mana ordinario dias.

Hasta aquiyalangtabien hasta naotroarticulo en chavacano..