Dale el propio atencion conel mana siembradores PDF Print E-mail
Friday, 08 April 2016 14:04

EL COMENTARIO

DI DAN TORIBIO JR.

Amediante del tiempo de calor, este mana dias que ta pasa ta queda tambien caliente el asunto de pulitica aqui na ciudad.

Fuera conel mana gueriajan de palabra para a-uno-y-otro pulitico, tiene tambien reclamo ta aparese desde con cuantos quien ta desea sinta otravez na consejo, que asegun el diila mana posters que apalestra na cuantos lugar el ya tapa de poster tambien del otro candidato de otro partido y tiene yah ace pa rompe! “Me perdona me alma.”

****

El conosido y popular servidor del masa el consejal Mike Alavar III del destrito 2 ya habla que mismo el su mana jente el ya puede descubri que cuantos el su mana poster na Sangali el ya anda tapa de otro poster del otro candidato quien ta desea tambien sinta otravez na consejo.

Asegun con otro mana compañero candidato di Alavar yah ace tambien rompe el diila mana poster que ta cre sila el quien tiene hecho amo el diila mana contrincante de otro partido.

****

Macarisas este mana pasada mana compoblanos y ciudadanos que ahora pa lang ta dale ya sila mira el diila color que gende gale sila que se llama limpio ta juga.

Porque sila debe tapa el mana poster di Alavar? Miedo sila cai segurao el sinta otravez si Mike na consejo? Ancina ba se?

Pero el mana gente bien conose ya con Alavar porcausa pirmi ya le ta bisita na diferentes barrio masquin pa gende tiempo de eleccion gende egual canila ta abuya solamente el diila cara na claridad si ta pidi lang voto conel mana gente.

****

El 1-Pacman partylist na encabesamiento del  first nominee si Dr. Mikee Romero ta condena conel matansa del tres mana jardinero o siembrador durante el sangrino protesta ya sosede na Kidapawan City del mas reciente.

Si Dr. Romero ya habla que gende quel debe sosede conel diaton mana pobre hermano.

Si Dr. Romero ta mira el rason porque aquelios mana pobre persona ya man protesta amo por el hambre que sila I diila pamilya ta pasa porcausa conel secas o el niño ta