El 1-Pacman party list ay produci un million trabajo PDF Print E-mail
Wednesday, 20 April 2016 13:47

EL COMENTARIO

DI DAN TORIBIO JR.

 

El 1-Pacman party list ya promete produci un million trabajo, donde mayor parte na Mindanao el momento ay sale elijido na Mayo 9 eleccion.

El first nominee si Dr. Mikee Romero ya habla que numero uno objeto del party list amo para dale trabajo conel mana pobre Pilipino particularmente na Mindanao, adentro na tres año na servicio.

****

Asegun na record del Philippine Statistic Authority del año 2015, ta continua queda tormento el mana vida del mana Pilipino quien nohay trabajo.

Si man base date del PSA, si Dr. Romero ya habla que el ARMM amo el tiene decontodo bajo rate de 3.2 percent quien nohay trabajo y necesita coneste dale remedio.

****

“For a rich region such as ARMM, it is ironic that many people are faced with the reality of joblessness,” si Dr. Romero ya habla en ingles.

Si Dr. Romero quien tiene el doctorate degrees in economics and management, ya habla el 1-Pacman el dale el bastante atencion na Mindanao hablando el social problem egual como el sin trabajo ta contribuji problema na comunidad.

“If we are able to provide work for the people, they will be swayed away from violence. In this way, we will be able to contribute to nation building, particularly on economic development, tourism, medical tourism, and generally, peace and security,” si Dr. Dr. Romero ya habla.

****

Si Dr. Romero ya habla que debe trabajo muncho el mana opiciales para produci oportunidad para conel mana pobre.

Presentamente si Dr. Romero quien ta dueña conel Air Asia and Harbor Center Port Terminal, ya puede ua produci cien mil trabajo para conel mana Pilipino y ya puede man entra escuela conel miles de mana bata.

****

Na asunto del Philippine Sea, el first nominee del 1-Pacman party list si Dr. Mikee Romero ta cre debe todol cosas que ay ahce el pasa na que se llama diplomasia tiene que hace na problema na Spratley.

Como esta, si Dr. Romero ta mira que nohay el quien sale gananciao encase al tene guerra entre el paiz y el nacion de China.

Este masquin pa dao mapuersa el mana equipo military del China y lejos el cosa que tiene el diaton fuersa armada del paiz.

Pero si el momento ay sosede el no combiene, el man contra el entero mundo canila, pero este no quierre que sosede el 1-Pacman party list.

****

Si Dr. Romero ya habla si el problema ay agrava, manada cosa el perde conel nacion de China especialmente ay perde canila el mana naciones quien el defende canila.

Mana naciones que ta composite el Southeast Asia como el Indonesia, Vietnam, Malaysia el gende permiti para saca el China el entero South China Sea, asegun con Dr. Romero este porcausa esos mana naciones el ta habla tambien que diila tamen el Spratly.

Puera con este, talli tambien el Japan y Taiwan quien tambien ta habla diila el cuantos parte del South China Sea.

Talli tambien el Estados Unidos y mana naciones quien ta usa conel South China Sea.