El 1-Pacman partylist diferente na otro partylist PDF Print E-mail
Thursday, 28 April 2016 12:01

EL COMENTARIO

DI DAN TORIBIO JR.

 

El man diferentes party list que ta desea puesto na congreso mayor parte tiene el semejante programa o plano el momento sale elijido durante el votacion.

Donde todo el quierre sirvi conel publico na cada-y-cual manera usando el fondo del gobierno.

El 1-Pacman partylist egual conel otro mana party list con semejante deseo para alivia el vida del mana pobre.

Pero tiene grande diferencia si compara el 1-Pacman partylist conel otro mana party list este amo que este party list ta encavesa el first nominee si Dr. Mikee Romero porcausa daan ya le tiene mana proyecto y programa para na pobre masquin nohay pa le na mundo del pulitica.

*****

Na level de un ordinario individual na sociedad, mas de cien mil ya el ya dale trabajo y ta continua pa este programa di Dr. Romero.

Miles tambien con quien ta manda entra escuela si Dr. Romero bajo na su foundation.

Si Dr. Romero ya habla ay continua le mana programa del 1-Pacman partylist para na pobre.

Fuera na cien mil trabajo ya puede produci si Dr. Romero del 1-Pacman partylist, miles-miles tambien scholarship y mas de mil mana casa el ya dale para conel mana pobre especialmente mana Aetas na Zambales.

Y ta continua pa el ayuda que ta dale si Dr. Romero para conel mana ta necesita.

Ta cre si Dr. Romero manada pa cosa puede hace el 1-Pacman partylist el tiempo ocupa posicion na congreso. Tiene ya tambien mana agenda y propositao leies ay rempuja na camara.

El 1-Pacman partylist ay hace lijero el ayuda conel mana siembrador ya sale afectao na secas o el niño.

Lo mismo tambien na asunto de educacion, tiene tambien preparao mana prositao programa para hancha el scholarship para na pobre. Tiene ya tambien ta mira manera si Dr.    Romero para omenta pa mas el fondo na sector de educacion y nuticion del mana bata.

Si Dr. Romero ya habla que debe gayot cuyda el salud del mana bata para puede sila estudia enbuenamente y llega na diila cada-y-cual ambicion na vida.

*****

Serca ya el eleccion y puede ya kita descansa con el maga alboroto campania na camino y para ya el pelegia entre mga sigidores del maga pulitico. Ojala acabar el eleccion, uni ole todo Zamboangueño y olvida ya cosa ya pasa del campanya. Hasta aqui ya lang, hasta la vista!