Ta pone lei na su mano PDF Print E-mail
Monday, 25 September 2017 11:46

EL COMENTARIO

DI DAN TORIBIO

Mana compoblanosa legre ahora el mana muger ta trabaga na mana bazar porcausa gende mas estos ay sufri parao entero dia usando alto tacon este despues del mas receiente el secretario del Departamiento del Los Hobreros ya pirma el que se llama Department Order que ta progibi manda bisti este clase de sapatos con el mana tendera na diferentes mana tienda na paiz.

******

Bonito esteclase de policia o regulacion donde grande ayuda este con el mana pobre trabagante de mana bazar para gende estos ay sufri na dolencia del diila mana pies y profenso pa ay tene enfermedad de hueso.

Pero el de ustedes servidor ta conversa na radio y ta sugiri si fuede inclugi na mandato del DOLE el bistida del corto falda con el mana muger.

Porque nohay yo ta mira razon si porque necesita estos hace apalestra el diila mana pierna con el mana parroquianos, gende man sila bende diila cuerpo, sino producto egual como ropa, comida y otro pa el ta bende estos.

Cosa ba gayot el bastante razon del mana dueño del mana tienda para manda bisti corto falda con el diila mana tendera? Quiere-quiere basila mira el de estos mana pierna?

******

Usando este clase de corto falda ta pone este na feligro con el mana tendera donde muchas beses gende mas ta respeta el cuantos mana hombre canila y tienebez ta embroma yalang con estos mana pobre Hermana diaton.

******

Del mas reciente ya queda “viral” na social media donde el un pasagero de PUJ ta man biage para na Pasonanca el ya puede man video usando disuyu cell phone con el un persona ta man exevicion atubang con el mana pasagero hombre y moger.

El persona dolomismo high na droga y nohay el verguenza mientras ta hace el bien cuchinadas acto enfrente del mana gente.

 

Ta aparese na video clip, parao el persona na entrada del PUJ mientras ta biaga el vegiculo cuando derepente este ya habre su zipper del shortpant y ya empesa man gasu-que-gasu consu “patas” hasta ya sale el maldad y ya derama serca na pierna del un tendera de bazar pasagero que ta bisti el uniporme que bien corto el falda.

Asegun tiene otro mana tendera de bazar aquel tiempo muntao na PUJ durante el incidente.

El mañacul de persona ta mira dao con el mana pierna del mana tendera que ta bisti bien corto falda(uniporme) mientras ta man exevicion este.

Despues le ya satispetia el su pahmo del su luguria, ya salta este na vegiculo mientras ta biaga.

******

Amo ya este el cosa yo ta habla donde dev einclugi el DOLE na mandato para enquita conel mana dueño del mana tienda para nomas ya manda usa corto falda con el diila mana tendera que este tienevez ta causa para queda malo el cabesa del cuantos del mana hombre egual como cosa ya sosede na un PUJ donde el un mañacul ta mira na mana prierna del mana pasagero tendera mientras ta lisa le sutubu.

******

Ta hace ahora embuscada el otoridad con el mencionao persona.

******

Hasta aqui yalang tamen quita, como siempre el de ustedes servidor ta habla “Pan vino-vino cada-y-cualsu camino”..