Primer aniversario del Zamboanga de Antes (ZDA) – bien alegre! PDF Print E-mail
Tuesday, 24 January 2012 00:00

Bien alegre gayot el primera aniversario del Zamboanga de Antes (ZDA) ya ase na na La briza, Lantaka Hotel del Biernes (January 23). Bien bonito el celebracion. Nuway lang yo pwede anda tiene yo otro comprimiso akel noche. Gracias na Facebook del ZDA pwede ustedes kita mira cosa ya pasa. Gracias tamen na FB di Konsehal VP Elago y Seňora Norma Conti y ya pwede yo tiene retratos para aki.

Ya crea el ZDA na el intencion del este grupo es para ayuda preserva el cultura Zamboangueño y tambien el dialecto Chavacano. Con el contribucion del miembro ay puede tambien educa cada uno de aton el historia de Zamboanga. Ta anima el ZDA con ustedes para contribui de ustedes cada cual retrato y historia de antes y dale tambien de ustedes comentario na contribucion del cual miembro. Y ta roga sila que por de ustedes contribucion hay puede aprende el maga jovenes de ahora el cultura de Zamboangueño y revivi el uso del dialecto chavacano.

Bisita el FB del ZDA, Zamboanga de Antes, para saber ustedes entra na grupo.