Monton mana buen cosa el hace el 1-Pacman PDF Print E-mail
Saturday, 05 March 2016 13:50

EL COMENTARIO

BY Dan Toribio jr.

El mana siembrador, cainginero y mana sementerero con hancias ya ta espera llegar el tiempo de aguasero porque losdemas diila el perde cosechas amediante el tiempo de soles que ta experiencia el paiz.

El de ustedes servidor ya sabe manada del diaton mana hermano quien ta man buji pormedio de man suncal na tierra para tiene cosa que mole el bariga, el pasa tormento este tiempo.

Con esos era deve dale bastante ayuda el mana quien ta deseia posicion na gobierno.

Acorda quita si nohay sos, nohay tamen quita…

* * * *

Si Dr. Mikee Romero el primer nominee del 1-Pacman partylist quien un bien conocido y prominente persona y ta dueña un basketball team na PBA que es Global Port y Batang Pier, ya habla que gende le contento con su mana programa de ayuda na mana pobre, pormedio de dale trabajo, lavida y plantada de mana caserias, si porque ya desidi le entra na pulitica llevando conel 1-Pacman partylist.

Ya asegura si Dr. Romero si sale elijido el 1-Pacman partylist na venedero Mayo, manada pa le cosa puede hace para hancha el servicio y ayuda conel mana Pilipino.

Estudio del mana pobre bata Pilipino amo tambien el cosa dale prioridad del 1-Pacman partylist.

* * * *

Objeto tambien del 1-Pacman para continua el suporta na differentes escuela, omenta mana library donde puede saca pa mas saber el mana estudiante.

Si Dr. Romero ya habla nunca el 1-Pacman partylist queda egual na otro partylist o politico donde na primero solamente manada promesas el llegar na  puesto ulbidao ya.

* * * *

Se habla en ingles,   “My word is my bond,” asegun con Dr. Romero

Si Dr. Romero ya habla si dale suerte conel 1-Pacman partylist, apenas abre el congreso dayun le comensa compli todo el promesas conel mana Filipino.

Asegun con Dr. Romero llejero hace el un cosa si amo el cosa ta dicta el corazon con buen intencion para del